331

عالیہ کو امیتابھ کی تعریف کرنی مہنگی پڑ گئی

ویب ڈیسک: بالی ووڈ اداکارہ عالیہ بھٹ کو لیجنڈری اداکار امیتابھ بچن کی تعریف کرنا مہنگی پڑھ گئی۔ 

بالی ووڈ کی نوجوان اداکارہ عالیہ بھٹ ان کی نئی فلم ’راضی‘ کی کامیابی پر خوب سراہا جارہا ہے اور100 کروڑ روپے کا بزنس کرنے والی فلم میں ان کی دلفریب اداکاری نے سب کو اپنا گرویدہ بنا دیا ہے جب کہ آج کل وہ رنبیر کپور اور امیتابھ بچن کے ساتھ فلم ’براہمسترا‘ کی شوٹنگ میں مصروف ہیں اور اسی فلم کے دوران گزارے حسین لمحات پر عالیہ بھٹ نے انگریزی میں لیجنڈری اداکار کا شکریہ ادا کیا لیکن ایسا کرنا انہیں مہنگا پڑگیا۔

بھارتی میڈیا رپورٹس کے مطابق بالی ووڈ کے لیجنڈری اداکار امیتابھ بچن نے گزشتہ روز فلم ’براہمسٹرا‘ کے سیٹ پر نوجوان اداکار عالیہ بھٹ اور رنبیر کپور کے ساتھ گزارے تجربات کو اپنے بلاگ میں الفاظ کی شکل دی اور مداحوں سے شیئر کیا اور دونوں اداکاروں کی تعریف کرتے ہوئے کہا تھا کہ ہم لوگ اس فلم کی بھرپور طریقے سے مشق کر رہے ہیں۔

امیتابھ بچن کے بلاگ پر ردعمل میں بالی ووڈ اداکارہ عالیہ بھٹ بھی پیچھے نہ رہیں اور اپنے روایتی انداز میں سماجی رابطے کی ویب سائٹ پر اپنی ٹوئٹ میں امیتابھ بچن کو مخاطب کرتے ہوئے کہا کہ امیتابھ بچن کے ساتھ کام کرنا فخر کی بات ہے اور آج ان کی شوٹنگ کا حصہ اپنے اپنے مقررہ وقت سے پہلے ہی مکمل ہوگیا تھا لیکن اس کے باوجود وہ سیٹ پر موجود رہے اور ہماری رہنمائی کرتے رہے جب کہ فلم کے سیٹ پر میں صرف امیتابھ کو دیکھ کر سیکھ رہی ہوتی ہوں۔

امیتابھ بچن نے بگ بی ہونے کے ناطے عالیہ بھٹ کے جذبات بھرے پیغام پر پیار بھرے انداز میں شکریہ انداز میں کہا کہ آپ سب سے اچھی ہیں ویسے یہ ’ques’ نہیں ’cues‘ ہے لیکن آپ بہت پیاری ہیں۔واضح رہے کہ ایان مکھرجی کی ہدایتکاری میں بننے والی فلم ’براہمسترا‘ میں رنبیر کپور ،عالیہ بھٹ اور امیتابھ بچن مرکزی کردار میں نظر آئیں گے جب کہ فلم 2018 میں سینما گھروں کی زینت بنے گی۔