Home / پاکستان / سعودی عرب نے راحیل شریف کی شرائط مان لیں،امجد شعیب

سعودی عرب نے راحیل شریف کی شرائط مان لیں،امجد شعیب

لاہور۔ سعودی عرب نے اسلامی ممالک کے فوجی اتحاد کی سربراہی کے حوالے سے جنرل (ر)راحیل شریف کی تینوں شرائط مان لیں۔لیفٹیننٹ جنرل ریٹائرڈ امجد شعیب نے نجی ٹی وی سے بات کرتے ہوئے کہا کہ جنرل (ر)راحیل شریف سے 39 ملکی فوجی اتحاد کی سربراہی کے حوالے سے بات ہوئی ہے۔ ان کا کہنا تھا کہا جنرل(ر)راحیل شریف نے سعودی وزیر دفاع کے سامنے تین شرائط رکھیں تھیں۔ راحیل شریف اتحاد کے کمانڈر ہوں گے کسی کے ماتحت نہیں ہوں گے۔

ایران کو اس اتحاد میں شامل کیا جائے گا اور رکن ممالک میں ثالثی کا پورا اختیار ہو گا۔ لیفٹیننٹ جنرل(ر)امجد نے کہا سعودی عرب نے جنرل(ر)راحیل شریف کی تینوں شرائط مان لیں۔ باقاعدہ پروپوزل مارچ تک حکومت پاکستان کو بھیجا جائے گا۔ واضح رہے گزشتہ دنوں جنرل (ر) راحیل شریف سعودی حکومت کی خصوصی دعوت پر سعودی عرب گئے تھے۔ انہیں لیجانے کیلئے سعودی حکومت نے خصوصی طیارہ پاکستان بھیجا تھا۔

About نیوز ڈیسک