بریکنگ نیوز
Home / دلچسپ و عجیب / الو نے سب کو الو بنا دیا

الو نے سب کو الو بنا دیا

لندن۔ بغیر بالوں والے الو نے سوشل میڈیا پر ساری دنیا کو حیران و پریشان کردیا ہے کیونکہ اگرچہ یہ ایک الو ہے لیکن پھر بھی کہیں سے الو کی طرح نظر نہیں آتا۔

کوئی نامعلوم ستم ظریف دنیا کو صرف یہ بتانا چاہتا تھا کہ سارے بال اُتر جانے کے بعد اُلو کیسا دکھائی دیتا ہے؛ اور اسی مقصد کےلئے اس نے ایک الو کو سر سے پاؤں تک گنجا کردیا اور اس کی تصویر کھینچ کر انٹرنیٹ پر ڈال دی۔ چند دن بعد جب یہ تصویر مصنفہ ڈانا شوارٹز کی نظر سے گزری تو انہوں نے اس پر ٹویٹ کردی، جو دیکھتے ہی دیکھتے ساری دنیا میں پھیل گئی۔

تصویر دیکھنے والے حیران ہونے کے علاوہ خوف زدہ بھی ہوئے اور کچھ لوگ تو ہنستے ہنستے پاگل بھی ہوگئے۔ کچھ لوگوں کا کہنا تھا کہ صرف تجسس کی تسکین کےلئے ایک معصوم پرندے کے بال اتار دینا ظلم کے مترادف ہے۔