بریکنگ نیوز
Home / پاکستان / مظفرگڑھ میں ٹرک نے موٹرسائیکل سواروں کو کچل ڈالا، 4 بہن بھائی جاں بحق

مظفرگڑھ میں ٹرک نے موٹرسائیکل سواروں کو کچل ڈالا، 4 بہن بھائی جاں بحق

مظفرگڑھ ۔ مظفرگڑھ میں ہیڈ کالو کے قریب ٹرک کی موٹر سائیکل کو ٹکر کے نتیجے سکول جانے 4 بہن بھائی جاں بحق ہوگئے۔ مظفرگڑھ میں ہیڈ کالو کے قریب باقر شاہ نامی شخص کے چار بچے ایک ہی موٹرسائیکل پر اسکول جارہے تھے کہ تیز رفتار ٹرک نے انہیں کچل ڈالا، واقعے کے نتیجے میں تین بچے موقع پر ہی جاں بحق جب کہ ان کی چھوٹی بہن شدید زخمی ہوگئی۔

واقعہ کی اطلاع ملتے ہی ریسکیو کی ٹیمیں اور پولیس جائے وقوعہ پر پہنچی اور لاشوں اور زخمی بچی کوہسپتال پہنچایا گیا تاہم زخموں کی تاب نہ لاتے ہوئے بچی بھی دم توڑ گئی۔ پولیس نے ٹرک ڈرائیور کو گرفتار کرکے ٹرک قبضے میں لے لیا ہے اور تحقیقات شروع کردی گئی ہیں۔ پولیس حکام کا کہنا ہے کہ ٹرک ڈرائیور کا میڈیکل ٹیسٹ کرایا جائے گا جس سے اس بات کا تعین ہوسکے گا کہ ڈرائیور نشے کی حالت میں تھا یا واقعہ حادثاتی طور پر رونما ہوا۔