بریکنگ نیوز
Home / پاکستان / پاک فوج اور انٹیلی جنس ادارے پنجاب پولیس کی مدد کے لیے تیار ہیں،جنرل قمر باجوہ

پاک فوج اور انٹیلی جنس ادارے پنجاب پولیس کی مدد کے لیے تیار ہیں،جنرل قمر باجوہ


ر اولپنڈی۔آرمی چیف جنرل قمر جاوید باجوہ اور وزیر اعلی ٰپنجاب شہباز شریف کے درمیان ٹیلی فونک گفتگو ہوئی۔ پاک فوج کی جانب سے پاکستان سپر لیگ کے فائنل کے لیے بھرپور تعاون کی یقین دہانی کروائی گئی۔نجی ٹی وی کے مطابق بدھ کو آرمی چیف اور وزیر اعلیٰ پنجاب کے درمیان ٹیلی فونک گفتگو ہوئی۔ گفتگو کا موضوع پاکستان سپر لیگ کا فائنل رہا۔

پاک فوج کی جانب سے پی ایس ایل کے فائنل کے لیے بھرپور تعاون کی یقین دہانی کروائی گئی۔نجی ٹی وی نے ذرائع کے حوالے سے کہا کہ آرمی چیف جنرل قمر جاوید باجوہ نے کہا کہ پاک فوج اور انٹیلی جنس ادارے پنجاب پولیس کی مدد کے لیے تیار ہیں۔

وزیر اعلیٰ پنجاب نے بھرپور حمایت اور تعاون پر آرمی چیف کا شکریہ ادا کیا۔واضح رہے کہ پاکستان سپر لیگ کا فائنل 5 مارچ کو لاہور میں کھیلا جارہا ہے جس کے لیے سخت سیکیورٹی انتظامات کیے جارہے ہیں۔ میچ کے لیے قذافی اسٹیڈیم کی تزئین و آرائش کا کام بھی جاری ہے۔