بریکنگ نیوز
Home / کھیل / ولیمسن کی قائدانہ اننگز، نیوزی لینڈ کے 4 وکٹ پر 321 رنز

ولیمسن کی قائدانہ اننگز، نیوزی لینڈ کے 4 وکٹ پر 321 رنز


ہملٹن۔ نیوزی لینڈ نے جنوبی افریقہ کے خلاف پہلی اننگز میں 4 وکٹ پر 321 رنز بنا لیے۔سیڈن پارک میں کھیلے جانے والے تیسرے ٹیسٹ میچ کے تیسرے روز نیوزی لینڈ نے 67 رنز سے اپنی اننگز کا آغاز کیا تو 83 رنز پر اوپنر ٹام لیتھم نصف سنچری بنا کر آﺅٹ ہو گئے جس کے بعد کپتان کین ولیمسن نے جیت راول کے ساتھ مل کر مجموعہ 273 رنز تک پہنچا دیا،

جیت راول 254گیندوں پر 10 چوکوں کی مدد سے 88 رنز بنا کر آﺅٹ ہوئے۔ نیل بروم 12 جبکہ ہنری نکولس بغیر کوئی رن بنائے پویلین لوٹے۔ ولیمسن 216 گیندوں پر 14 چوکوں اور 3 چھکوں کی مدد سے 148 رنز پر ناقابل شکست ہیں، مچل سینٹنر 13 رنز پر ان کا ساتھ دے رہے ہیں۔ جنوبی افریقہ کی جانب سے مورنے مورکل اور کاگیسو ربادا نے 2,2 کھلاڑیوں کو آﺅٹ کیا۔