بریکنگ نیوز
Home / کھیل / شاداب خان کا پہلے ہی میچ میں عالمی ریکارڈ

شاداب خان کا پہلے ہی میچ میں عالمی ریکارڈ


باربا ڈوس۔ پاکستانی لیگ سپنر شاداب خان نے ویسٹ انڈیزکے خلاف ٹوئنٹی20انٹرنیشنل کرکٹ میں شاندار ڈیبیو کرتے ہوئے نیا ورلڈ ریکارڈ قائم کردیاہے۔

شاداب خان نے بارباڈوس میں میزبان ویسٹ انڈیزکے خلاف اپنے کیریئر کے پہلے ٹوئنٹی20انٹرنیشنل میچ میں چار اوورزمیں 1.75رنزکے ریکارڈاکانومی ریٹ سے صرف سات رنزدیکر 3 وکٹیں حاصل کیں۔یہ ڈیبیو میچ میں ایک سے زائد اوورزپھینکنے والے دْنیاکے کسی بھی بولر کابہترین اکانومی ریٹ ہے۔شاداب خان دْنیاکے پہلے بولر بن گئے ہیں جس نے کیریئرکے پہلے میچ میں کوٹے کے مکمل چاراوورزکراتے ہوئے 2رنز فی اوورسے بھی کم اکانومی ریٹ سے رنز دئیے۔

شاداب خان سے قبل یہ ریکارڈکینیڈاکے اسٹیون ولش کے نام تھاجس نے 2008ء میں برموداکے خلاف اپنے تین اوورز میں 2.00کے اکانومی ریٹ سے صرف چھ رنزدیکر دو وکٹیں حاصل کیں جبکہ ڈیبیومیچ میں کوٹے کے مکمل اوورزکرانے والے باؤلرز میں اس ریکارڈپرپہلے زمبابوے کے رئے پرائس قابض تھے۔ شاداب خان مختصرفارمیٹ کے پہلے ہی میچ میں تین وکٹیں حاصل کرنے والے پانچویں پاکستانی بولر بن گئے ہیں۔اس سے قبل یہ کارنامہ عبدالرزاق، منصورامجد،محمد سمیع اور ذوالفقاربابر نے سرانجام دیاتھا۔ میچ کے بعد گفتگو کرتے ہوئے شاداب خان نے کہا کہ پرامید ہوں کہ آئندہ بھی ایسی ہی پرفارمنس دوں، باؤلنگ کنڈیشنز بالکل پاکستان سپر لیگ جیسی ہی تھیں ، جس سے کافی مدد ملی۔