بریکنگ نیوز
Home / شوبز / انجلینا جولی پھر شادی کے لئے تیار

انجلینا جولی پھر شادی کے لئے تیار

لاس اینجلس ۔ اداکارہ انجلینا جولی نے برطانوی بزنس مین سے جلد شادی کرنے کا فیصلہ کر لیا ،ذرائع کے مطابق انجلینا جولی نے نہایت رازداری سے سیاسی اثر ورسوخ رکھنے والے ایک ہینڈ سم برطانوی بزنس مین جس کا نام ظاہر نہیں کیا جا رہا سے شادی کا فیصلہ کر لیا ہے جو کہ جولی کی چوتھی شادی ہو گی۔ہالی وڈ ذرائع کے مطابق جولی نے بریڈ سے علیحدگی کے دنوں اور عدالتی جنگ کے دوران برطانوی بزنس کے ساتھ تعلقات استوار ہوئے۔ان کی ان کے ساتھ تمام تر ملاقاتیں انکی مالیبو میں نجی رہائش گاہ میں ہوتی رہیں جس کی باہر والوں کو کوئی خبر نہ ہوئی۔

ذرائع کے مطابق بریڈ کو جب اس خبر کا علم ہوا تو وہ سٹپٹا گئے کیونکہ وہ ایسا سوچ بھی نہیں سکتے تھے کہ کوئی اجنبی ان کے بچوں سے نجی ملاقاتیں کر رہا ہے۔ انجلینا اور بریڈ کے درمیان 2005 میں فلم ’’مسٹر اینڈ مسز سمتھ ‘‘کے سیٹ پر دوستی ہوئی وہ اس سے اگلے سال اکٹھے رہنے لگے اور بریڈ نے اپنی پہلی بیوی اداکارہ جنیفر اینی سٹن کو چھوڑ دیا اور 2014 میں انجلینا سے شادی کی جو گزشتہ سال ٹوٹ گئی۔