بریکنگ نیوز
Home / کھیل / ماریہ شراپووا کی ٹینس کورٹس سے دوریاں ختم

ماریہ شراپووا کی ٹینس کورٹس سے دوریاں ختم

ماسکو۔ممنوعہ دوا کھانے کا اعتراف کرنے والی روسی حسینہ کی سزا ختم ہو گئی،ٹینس کوئن ماریا شراپووا ایک بار پھر ٹینس کورٹ میں قدم رکھیں گی اورآج سے اپنا کھیل دکھائیں گی۔پندرہ ماہ کی لگی پابندی کے بعد کورٹ میں دوبارہ قدم رکھنے والی روسی حسینہ اپنے کریئر کے سب سے مشکل چیلنج کا سامنا کرنے کو تیارہیں۔

29 سال کی ماریا شیراپووا نے جرمنی میں آج سے شروع ہونے والے ٹورنامنٹ میں شرکت کے لئے کمر کس لی جس کے لئے انہیں وائلڈ کارڈ دیا گیا ہے۔ماریا کی ٹینس کورٹ میں واپسی پرکچھ لوگ ناراض ہیں لیکن ان کے مداح بے حد خوش ہیں۔مارچ 2016 میں ممنوعہ دوا کے استعمال کا اعتراف کرنے کے بعد ماریا پردو سال کی پابندی لگی تھی لیکن اپیل کے بعد ان کی پابندی کا دورانیہ 15 ماہ کر دیا گیا تھا۔