بریکنگ نیوز
Home / پاکستان / امن کیلئے پاکستان سے بہترسہولت کار کوئی نہیں

امن کیلئے پاکستان سے بہترسہولت کار کوئی نہیں

اسلام آباد۔پاکستان میں تعینات افغان سفیر عمر زاخیل وال نے کہا ہے کہ افغانستان میں قیام امن کیلئے پاکستان سے بہتر کوئی سہولت کار نہیں ہوسکتا۔افغانستان میں امن کے حوالے سے منعقدہ بین الاقوامی کانفرنس سے خطاب کرتے ہوئے افغان سفیر نے کہاکہ افغانیوں سے زیادہ مخلص کوئی نہیں، ہمارے کردار پر شک نہ کیا جائے۔قیام امن کیلئے پاکستان کو سہولت کار قرار دیتے ہوئے افغان سفیر نے کہا کہ پاکستان اور بھارت مل کر کوشش کریں تو امن کا قیام ممکن ہے، جبکہ ایران اور سعودی عرب کا تعاون بھی افغانستان میں قیام امن کیلئے اہم ہے۔

خطے میں جاری قیام امن کی کوششوں پر بات کرتے ہوئے انہوں نے کہاکہ امن کے بارے میں بات کرنے سے پہلے امن کا مطلب سمجھنا ضروری ہے ٗ 2001 میں امریکی اتحاد کے سامنے واضح اہداف تھے تاہم وقت گزرنے کے ساتھ منظرنامہ دھندلا گیا ہے ۔انہوں نے سوال کیا کہ کیا دہشت گردی کے خلاف جنگ ایک غلطی تھی؟’افغانستان میں قیام امن کے لیے مخلص علاقائی تعاون اور کوششوں پر زور دیتے ہوئے عمر زاخیل وال نے کہا کہ امن کے قیام کیلئے بہت سے عوامل شروع کیے گئے ہیں، مگر ان کی افادیت پر کئی سوالیہ نشانات کھڑے ہوتے ہیں۔

خطے میں داعش کے بڑھتے ہوئے اثرورسوخ پر عمر زاخیل وال نے کہا کہ داعش خطے میں پروان چڑھتا نیا درندہ ہے، طالبان اور داعش کے درمیان بھی اقتدار کی لڑائی ہے تاہم طالبان کو چند ممالک کی پس پردہ حمایت حاصل ہے۔افغانستان کی شورش کا ذمہ دار پاکستان کو قرار دیتے ہوئے انہوں نے کہا کہ ہمیں نہیں پتہ پاکستان افغانستان میں کیا کرنا چاہتا ہے؟انہوں نے کہاکہ پاکستان کے تعاون کے بغیر طالبان افغانستان میں واپس قدم نہیں جما سکتے تھے۔