بریکنگ نیوز
Home / بزنس / مئی میں مہنگائی 5.02 فیصد بڑھ گئی

مئی میں مہنگائی 5.02 فیصد بڑھ گئی

 اسلام آباد: ملک میں رواں مالی سال کے پہلے 11ماہ میں صارف قیمتوں کے اشاریے (سی پی آئی) کی بنیاد پر مہنگائی کی شرح میں 4.188 فیصد اضافہ ہوا جبکہ مئی میں مہنگائی 5.02فیصد بڑھ گئی۔

شماریات بیورو کے چیف شماریات آصف باجوہ نے ماہانہ پریس بریفنگ کے دوران کہاکہ رواں مالی سال کے پہلے 11 مہینے میںمہنگائی میں 4.18فیصد اضافہ ہوا جبکہ مئی میں مہنگائی سال بہ سال 5.02 فیصد بڑھی جبکہ اپریل کے مقابلے میں گزشتہ ماہ مہنگائی میں 0.01فیصد اضافہ ریکارڈ کیا گیا۔

رواں سال اپریل کے مقابلے میں مئی میں لیموں کی قیمت میں 23.62 فیصد ، کھیرا 22.08، آلو 19.88، سیب 14.93، برف 9.93، دار چینی 5.45، کینو 5.09، کیلا 2.76، پلس گرام 2.35، چاول2.19، دال ماش 1.24جبکہ کار سوزوکی کی قیمت میں 3.69فیصد اضافہ ہو ا۔

دوسری جانب ٹینڈا 49.42، ٹماٹر 40.03، تربوز 16.85، لہسن 11.62، پیاز 10.67، گرما 8.50، چکن 7.73، گندم 5.35، چینی 2.29، گندم کا میدہ 1.24اور گیس سلنڈر کی قیمت میں 6.85فیصد کمی ریکارڈ کی گئی۔