بریکنگ نیوز
Home / انٹرنیشنل / برطانوی انتخابات میں کوئی جماعت اکثریت حاصل نہ کرسکی

برطانوی انتخابات میں کوئی جماعت اکثریت حاصل نہ کرسکی


لندن: برطانوی عام انتخابات کے نتائج سامنے آگئے ہیں جس کے تحت کوئی بھی جماعت سادہ اکثریت حاصل نہیں کرسکی اور اب مخلوط حکومت تشکیل پائے گی۔

برطانیہ میں دارالعوام کی 650 نشستوں میں سے 642 کے نتائج آچکے ہیں جن کے مطابق کنزرویٹیو پارٹی کو 311 نشستوں اور لیبر پارٹی کو 260 سیٹوں پر کامیابی حاصل ہوئی۔ اسکاٹش نیشنل پارٹی 35 جب کہ لیبر ڈیموکریٹ پارٹی نے 12 نشستوں پر کامیابی حاصل کی  ہیں اس کے علاوہ  آزاد اور دیگر جماعتوں کے امیدواروں نے 24 نشستیں اپنے نام کی ہیں۔

اگرچہ کنزرویٹو پارٹی نے دارالعوام میں اپنی اکثریت کھو دی ہے تاہم وہ اب بھی ایوان میں سب سے زیادہ سیٹیں جیتنے والی جماعت ہے۔ اگر کوئی بھی جماعت سادہ اکثریت حاصل نہ کرسکے، تو مخلوط حکومت بننا ناگزیر ہوجاتا ہے۔

 انتخابات میں برطانوی وزیرِ اعظم ٹیریسا مے کی کابینہ کے 9 وزرا کو شکست ہوگئی ہے، جن میں وزیرِ خزانہ جین ایلیسن، کیبینٹ آفس کے وزیر بین گرمر، ڈیفڈ کے وزیر جیمز وارٹن، وزیرِ صحت نکولا بلیک وڈ، وزیرِ تعلیم ایڈورڈ ٹمپسن کے علاوہ گیون بارویل، راب ولسن، سائمن کربی اور ڈیوڈ مواٹ شامل ہیں۔

انتخانی نتائج کے بعد لیبر پارٹی کے رہنما جریمی کوربن نے تھریسا مے سے استفعے کا مطالبہ کردیا ہے ۔ تاہم تھریسا مے پاکستانی وقت کے مطابق دوپہر 2 بجے اہم اعلان کریں گی۔