بریکنگ نیوز
Home / پاکستان / جی ایچ کیو کی اسلام آباد منتقلی کاحتمی فیصلہ

جی ایچ کیو کی اسلام آباد منتقلی کاحتمی فیصلہ

اسلام آباد۔جی ایچ کیو کی اسلام آباد منتقلی کے منصوبے پر کام دوبارہ شروع کرنے کا فیصلہ کرلیاگیا۔ جی ایچ کیو کی تعمیر کے لیے مقیم رہائشیوں کو سیکٹر ایچ16 میں آباد کرنے کا منصوبہ بنایا گیا ہے۔ذرائع کے مطابق سی ڈی اے نے منصوبے کا جامع پلان تشکیل دینے کی منظوری دے دی۔سی ڈی اے نے جی ایچ کیو کے لئے 870 ایکٹر اراضی الاٹ کی تھی، جی ایچ کیو کے لئے یہ زمین سیکٹر ای 10 اور ڈی11میں الاٹ کی گئی تھی۔

سی ڈی اے کی جانب سے اراضی کی قیمت ادا کرنے پر اعتراض اٹھایا گیا تھا اور پی اے سی نے وفاقی حکومت سے نقصان پورا کرنیکی ہدایت کی تھی۔ذرائع کا کہنا ہے کہ سی ڈی اے نے آرمی سے 870 ایکڑ زمین کے 703 ملین روپے وصول کئے۔ جی ایچ کیو کی اسلام آباد میں تعمیر کا منصوبہ 2005ء میں روک دیا گیا تھا، سی ڈی اے نے آرمی کو 191ملین روپے کی تاخیری رقم بھی معاف کردی تھی۔ذرائع نے بتایا کہ متاثرہ رہائشیوں کی آباد کاری کے لئے 7ہزار پلاٹس درکار ہوں گے۔متاثرہ رہائشیوں کی آباد کاری کے لیے آرمی4 اقساط میں 6 بلین روپے اداکرے گی، نئے جی ایچ کیو کی تعمیر کا ٹھیکہ این ایل سی یا ایف ڈبلیو او کو دئیے جانے کا امکان ہے۔