بریکنگ نیوز
Home / پاکستان / افغانستان میں نئے پاکستانی سفیر کااعلان کر دیا گیا

افغانستان میں نئے پاکستانی سفیر کااعلان کر دیا گیا


اسلام آباد۔ وزیر اعظم نواز شریف کی ہدایت پر پاک افغان تعلقات میں بہتری اور مشیر خارجہ سرتاج عزیز کے دورہ کابل سے قبل افغانستان میں نئے پاکستانی سفیر زاہد نصراللہ کو تعینات کر دیا گیا ہے۔

تفصیلات کے مطابق وزیر اعظم محمد نواز شریف نے جمعہ کے روز وزارت خارجہ میں اہم دورہ کیا تھا جس میں نواز شریف نے پاک افغان تعلقات میں بہتری اور الزامات کی بوچھاڑ میں کمی کے لئے وزارت خارجہ کو مستقل سفیر افغانستان میں تعینات کرنے کی ہدایت کی تھی جس کے تناظر میں وزارت خارجہ کی جانب سے زاہد نصراللہ کو کابل میں پاکستانی سفیر تعینات کر دیا گیا ہے اور انہیں چار جولائی کو فرائض سنبھالنے کی ہدایت کی بھی جاری کر دی گئی ہے

واضح رہے کہ افغانستان میں اس سے قبل شہباز حسین پاکستانی قائم مقام سفیر کے فرائض سرانجام دے رہے تھے ۔