بریکنگ نیوز
Home / پاکستان / رکن قومی اسمبلی جمشید دستی ضمانت پر رہا

رکن قومی اسمبلی جمشید دستی ضمانت پر رہا

رکن قومی اسمبلی جمشید دستی کو درخواست ضمانت منظور ہونے کے بعد رہا کردیا گیا۔  ایکسپریس نیوز کے مطابق رکن قومی اسمبلی انسداد دہشت گردی عدالت سرگودھا میں پیش ہوئے، اس موقع پر سیکیورٹی کے سخت انتظامات کیے گئے تھے جب کہ عدالت کے باہر جمشید دستی کے حامیوں کی بڑی تعداد موجود تھی جنہوں نے جمشید دستی کے حق میں نعرے بازی کی۔

عدالت نے جمشید دستی کی درخواست ضمانت ایک لاکھ روپے مچلکوں کے عوض منظور کی، جمشید دستی کی رہائی کے لیے روبکار ڈسٹرکٹ جیل بھجوائی گئی جہاں جیل انتظامیہ نے تصدیق کے بعد انہیں رہا کردیا۔

واضح رہے کہ جمشید دستی کے خلاف مظفرگڑھ میں نہرتوڑنے، ناجائزاسلحہ برآمدگی اور اشتعال انگیز تقریر کے الزامات کے تحت مقدمات درج ہیں جب کہ 4 میں سے 3 مقدمات میں ان کی ضمانت پہلے ہی منظورہوچکی ہے۔