بریکنگ نیوز
Home / انٹرنیشنل / پولینڈ کی خاتون اول نے ٹرمپ کو شرمندہ کر دیا

پولینڈ کی خاتون اول نے ٹرمپ کو شرمندہ کر دیا

واسا ۔پولینڈ کی خاتون اول نے امر یکی صدر ٹرمپ کو ان کے ہی انداز میں شرمندہ کردیا۔ میڈیا رپو رٹ کے مطا بق ڈونلڈ ٹرمپ اور ان کی اہلیہ میلانیا 7 جولائی کو دورہ یورپ کے سلسلے میں پولینڈ پہنچے جہاں ان کی پولش صدر اینڈرزیج دودا اور ان کی اہلیہ اگاتا کورن ہاسر دودا سے ملاقات ہوئی۔ملاقات کے آغاز میں سب کچھ دوستانہ نظر آتا رہا مگر پھر مصافحے کا وقت آگیا۔پولش صدر اور ڈونلڈ ٹرمپ نے ہاتھ ملائے اور پھر امریکی صدر نے پولش خاتون اول سے مصافحے کے لیے ہاتھ آگے بڑھایا، مگر انہوں نے ڈونلڈ ٹرمپ کے بڑھے ہوئے ہاتھ کو پکڑنے کے بجائے پہلے میلانیا کا خیرمقدم کرنے کا فیصلہ کیا۔

یا یوں کہہ لیں کہ انہوں نے ڈونلڈ ٹرمپ کو نظرانداز کردیا، ایسا معلوم ہوا کہ ڈونلڈ ٹرمپ بھی اس کے بعد کچھ زیادہ خوش نظر نہیں آئے.اس حوالے سے سماجی رابطے کی ویب سائٹ ٹوئٹر پر صارفین کے پیغامات کی بھرمار ہوگئی اور ہر کوئی یہی سوال کرتا نظر آیا کہ یا واقعی پولش صدر کی اہلیہ نے ٹرمپ کو نظر انداز کیا؟اور اس کا جواب دینے کے لیے پھر پولینڈ کے صدر خود میدان میں آئے اور انھوں نے اپنے ٹوئٹر پیغام میں اس تاثر کو رد کرتے ہوئے کہا کہ ‘کچھ حیران کن رپورٹس کے برخلاف میری اہلیہ نے ٹرمپ اور ان کی اہلیہ دونوں سے مصافحہ کیا تھا۔

آئیں جھوٹی خبروں کے خلاف جنگ کریں’.اس کے ساتھ ہی پولش صدر نے اس ملاقات کے موقع کی مکمل ویڈیو بھی ری ٹوئیٹ کی، جس میں دیکھا جاسکتا ہے کہ میلانیا ٹرمپ سے ملاقات کے بعد پولش خاتون اول نے ڈونلڈ ٹرمپ سے بھی مصافحہ کیا۔