بریکنگ نیوز
Home / پاکستان / بیگم کلثوم نوازکے کاغذات نامزدگی چیلنج

بیگم کلثوم نوازکے کاغذات نامزدگی چیلنج


لاہور۔پاکستان عوامی تحریک نے بیگم کلثوم نوازکے کاغذات نامزدگی پر اعتراض دائر کرتے ہوئے انہیں چیلنج کردیا۔سابق وزیراعظم نوازشریف کی نااہلی کے بعد قومی اسمبلی کی نشست کیلئے لاہور کے حلقے این اے 120 میں ضمنی انتخاب 17 ستمبر کو ہوگا جس کیلئے مسلم لیگ (ن) کی جانب سے بیگم کلثوم نوازکوامیدوارنامزد کیا گیا ہے۔

تحریک انصاف نے ایک بار پھر ڈاکٹر یاسمین راشد کواس حلقے میں امیدوارنامزد کیا ہے اس کے علاوہ حلقے میں آزاد امیدوار بھی حصہ لے رہے ہیں۔پاکستان عوامی تحریک کی جانب سے بیگم کلثوم نواز کے کاغذات نامزدگی پر اعتراض دائر کردیا گیا جو عوامی تحریک کے اشتیاق چوہدری نے ریٹرننگ آفیسر محمد شاہد کو جمع کرایا۔درخواست میں کہا گیا کہ کلثوم نوازشریف نے کاغذات میں اقامہ ظاہر کیا مگر اقامے کا معاہدہ چھپایا ٗانہوں نے اقامے میں ملنے والی تنخواہ کو بھی ظاہر نہیں کیا جبکہ اقامے میں اپنا عہدہ ظاہر نہیں کیا جو ڈپٹی چیئرپرسن کا ہے۔