بریکنگ نیوز
Home / انٹرنیشنل / تر ک صدرکی’’اسلامی دہشتگردی‘‘کے لفظ پر سخت تنقید

تر ک صدرکی’’اسلامی دہشتگردی‘‘کے لفظ پر سخت تنقید


نیویارک ۔ تر ک صدر رجب طیب اردگان نے ’’اسلامی دہشتگردی‘‘کے لفظ پر سخت الفاظ میں تنقید کرتے ہوئے کہا ہے کہ ہم نے تو آج تک مسیحی،یہودی یا بدھ مت دہشت گردی کا نام نہیں سنا تو آج اسلام کو کیوں دہشتگردی سے منسلک کیا جا رہا ہے۔غیر ملکی میڈیاکے مطابق ترک صدر نے نیو یارک میں مسلم انجمنوں کے نمائندوں سے خطاب کرتے ہوئے کہاکہ ہم نے تو آج تک مسیحی،یہودی یا بدھ مت دہشت گردی کا نام نہیں سنا تو آج اسلام کو کیوں دہشتگردی سے منسلک کیا جا رہا ہے۔ انھوں نے کہاکہ روہنگیا مسلمان اس وقت انتہائی اضطراب بھری زندگی گزار رہے ہیں۔

جن کی نسل کشی کھلم کھلا ہو رہی ہے جنہیں بدھ آبادی قتل کر رہی ہے لیکن ہم نے اسے بدھ مت دہشت گردی نہیں کہا ۔ میں بدھ متوں کو دنیا کی اعتدال پسند فرقہ ماننے والوں سے کہتا ہوں کہ وہ اب” اسلامی دہشتگردی “کے لفظ کا استعمال بند کر دیں کیونکہ یہ حق تلفی ہے ۔ انہوں نے میکسیکو کے حالیہ زلزلے کی مثال دیتیہوئے کہا کہ ترک ہلال احمر اس وقت میکسیکو میں مدد کر رہی ہے کیونکہ مسلم اخلاقیات و تعلیمات ، امتیازانہ برتاو سے بالا تر ہو کر خدمت خلق کا درس دیتی ہیں۔

انہوں نے کہا کہ افسوس کا مقام ہے کہ اس وقت بعض ممالک میں اگر ایک شخص بھی مارا جاتا ہے تو اسے سانحہ قرار دیا جاتا ہے جبکہ 10 لاکھ افراد کی موت پر صرف زبانی جمع خرچ پر ہی اکتفا ہوتا ہے، مگر دین اسلام کی روشنی میں ایک معصوم انسان کی موت انسانیت کی موت کے مترادف ہے ۔