بریکنگ نیوز
Home / پاکستان / نوازشریف کی وطن واپسی کا معمہ حل

نوازشریف کی وطن واپسی کا معمہ حل


لندن۔سابق وزیراعظم میاں نوازشریف آج(جمعرات کو) صبح وطن واپس پہنچیں گے،سابق وزیراعظم کل( جمعہ کو) احتساب عدالت میں پیش ہوں گے۔ تفصیلات کے مطابق سابق وزیراعظم میاں نوازشریف آج جمعرات کی صبح 9 بجے اسلام آباد پہنچیں گے اور (کل جمعہ کو) احتساب عدالت اسلام آباد میں پیش ہوں گے ۔

قبل ازیں لندن میں وزیراعلیٰ پنجاب شہباز شریف اپنے صاحبزادے سلمان شہباز اور صاحبزادی کے ہمراہ پارک لین فلیٹ پہنچے اور بھا بی بیگم کلثوم نواز کی عیادت کی۔ اس موقع پر نواز شریف اور شہباز شریف کے درمیان طویل ملاقات بھی ہوئی جس میں حسن نواز، حسین نواز اور سلمان شہباز بھی موجود تھے۔ملاقات میں اتفاق رائے ہوا کہ شریف فیملی کے خلاف سازشیں کی جارہی ہیں تاہم خاندان متحد ہے اور سازشوں کو ملکر ناکام بنائیں گے۔

ملاقات میں سیاسی صورتحال اور نیب کیسز پر بھی مشاورت ہوئی اور طے پایا کہ مریم نواز، حمزہ شہباز اور سلمان شہباز مل کر کام کریں گے۔ نوازشریف نے تینوں بچوں کے درمیان رابطے بہتر بنانے کی بھی ہدایت کی۔واضح رہے کہ نوازشریف کی 3 نومبر جمعے کو احتساب عدالت میں پیشی ہے جبکہ پچھلی سماعت میں پیش نہ ہونے پر ان کے قابل ضمانت وارنٹ گرفتاری بھی جاری کردیے گئے تھے۔