بریکنگ نیوز
Home / پاکستان / مسلم لیگ کا ایبٹ آباد میں پاور شو کا اعلان

مسلم لیگ کا ایبٹ آباد میں پاور شو کا اعلان


پشاور۔مسلم لیگ نے رابطہ مہم کی تیاریاں مکمل کرلی ہیں جسکا آغاز ایبٹ آبادمیں جلسہ عام سے کیاجائے گا پارٹی رہنماؤں نے مشاورت کے بعدایبٹ آبادجلسہ کے لیے بارہ نومبر کی تاریخ کااعلان کردیاہے اور جلسہ کی کامیابی کے لیے رہنماؤں کو اہداف حوالہ کردیئے گئے ہیں پارٹی ذرائع کے مطابق دو مرتبہ ایبٹ آبادکاجلسہ منسوخ ہوچکاتھا جس کے بعدگذشتہ روز اعلیٰ سطحی اجلاس میں رابطہ مہم کا آغاز ایبٹ آبادسے کرنے کا حتمی فیصلہ کیاگیا۔

جس کے بعد پشاور ،مردان ،سوات سمیت مختلف دیگر شہروں میں جلسے کیے جائیں گے جن سے سابق وزیر اعظم میاں نوازشریف سمیت مرکزی اور صوبائی قائدین خطا ب کریں گے اس حوالہ سے رابطہ پر ن لیگ کے صوبائی صدر امیر مقام نے بتایاکہ ایبٹ آبادکاجلسہ ملک کی سیاست میں مثبت تبدیلی کانکتہ آغاز ثابت ہوگا خیبر پختونخوا اور بالخصوص ہزارہ کے عوام ثابت کردیں گے نوازشریف ان کے محبو ب اور غیر متنازعہ قائد ہیں اور اگلے الیکشن میں ایک بارپھر ن لیگ کو بھاری اکثرت سے کامیابی دلا کر نہ صرف مرکز بلکہ خیبرپختونخوا سمیت چاروں صوبوں میں حکومت بنائیں گے