بریکنگ نیوز
Home / کھیل / پی سی بی فواد عالم پر ایک بار پھر مہربان ہوگیا

پی سی بی فواد عالم پر ایک بار پھر مہربان ہوگیا


لاہور: ماضی میں نظر انداز قومی کرکٹر فواد عالم پر پی سی بی ایک بار پھر مہربان ہوگیا۔

فواد عالم کواین سی اے طلب کر رہے ہیں، چیف سلیکٹر انضمام الحق۔ فوٹو: فائل

ڈومیسٹک کرکٹ میں عمدہ کارکردگی کے باوجود فواد عالم کومسلسل نظرانداز کیا جارہا تھا جس کی وجہ سے میڈیا میں گزشتہ کئی ہفتوں سے قومی سلیکشن کمیٹی پر تنقید ہو رہی ہے۔ ذرائع کے مطابق پاکستان کرکٹ بورڈ کے چیئرمین نجم سیٹھی کی ذاتی مداخلت کے بعد فواد عالم کو پیر کو لاہور میں طلب کیا جارہا ہے، جہاں نیشنل کرکٹ اکیڈمی میں ہیڈکوچ مکی آرتھر، چیف سلیکٹر انضمام الحق اوردیگرکوچزنیٹ پر ان کی صلاحیتوں کو پرکھیں گے۔

فواد عالم پاکستان کی جانب سے پہلے ٹیسٹ میں اوپنرکی حیثیت سے سنچری بنانے میں کامیاب رہے تھے، اگر مکی آرتھر نے گرین سگنل دیدیا تو وہ بھی پاکستانی ٹیم کا حصہ بن سکتے ہیں، اس حوالے سے گزشتہ روز لاہور میں شیڈول ایک تقریب کے دوران چیف سلیکٹر انضمام الحق کا کہنا تھا کہ فواد عالم سمیت کسی بھی کھلاڑی سے ناانصافی نہیں کی جائے گی، انھیں جان بوجھ کر نظر انداز کرنے کا تاثر غلط ہے، انھیں نیشنل کرکٹ اکیڈمی میں بلا رہے ہیں تاہم چیف سلیکٹر کاکہنا تھا کہ ایک روزہ اور ٹوئنٹی20 طرز کی کرکٹ میں ٹیم سیٹ ہے، البتہ ٹیسٹ کرکٹ میں تبدیلیاں کی جاسکتی ہیں۔