بریکنگ نیوز
Home / دلچسپ و عجیب / روسی نوجوان کا پیدائش سے پہلے مریخ پر رہنے کا دعویٰ

روسی نوجوان کا پیدائش سے پہلے مریخ پر رہنے کا دعویٰ


ماسکو: روس کے ایک نوجوان نے دعویٰ کیا ہے کہ وہ پیدائش سے پہلے مریخ پر رہتا تھا اور زمین پر اس کا دوسرا جنم ہے۔

بورسکا نے مزید بتایا کہ اہرام مصر میں زمین کے حوالے سے بہت سے اہم راز دفن ہیں۔ فوٹو : ڈیلی میل

20 سالہ روسی لڑکے بورسکا نے دعویٰ کیا ہے کہ وہ مریخ کا رہائشی ہے جب کہ خلاء کے حوالے سے لڑکے کے پاس بے تحاشا معلومات نے سائنسدانوں کو حیران کردیا ہے، بورسکا کے والدین نے دعویٰ کیا ہے کہ اس نے پیدائش کے چند ہی مہینے بعد بولنا شروع کردیا تھا جب کہ ان کا بیٹا خلائی مخلوق کی تہذیبوں کے بارے میں حیران کن معلومات بھی جانتا تھا جو انہوں نے اس کو کبھی نہیں بتائی جس پر وہ حیران تھے۔

بورسکا کے والدین کا کہنا تھا کہ 2 سال کی عمر میں لکھنے، پڑھنے اور تصاویر بناکر ڈاکٹرز کو بھی حیران کردیا تھا جب کہ بورسکا کا کہنا ہے کہ ماضی بعید میں مریخ ایٹمی دھماکے سے تباہ ہوگیا تھا جب کہ مریخ پر رہنے والی خلائی مخلوق تقریباً 7 فٹ لمبی ہیں اور مریخ کی زمین کے نیچے رہتی ہیں، اس کے علاوہ وہاں لوگ کاربن ڈائی آکسائڈ میں سانس لیتے ہیں۔

روسی لڑکا نے دعویٰ کیا ہے کہ وہ لوگ لافانی ہیں اور 35 سال کے بعد ان کی عمر بڑھنے کا عمل ختم ہوجاتا ہے، اس کے علاوہ وہ ٹیکنالوجی میں بھی سب سے آگے ہیں اور ستاروں کے درمیان سفر بھی کرتے ہیں اور کئی بار خلائی جہاز میں زمین پر بھی آیا تھا۔ بورسکا نے مزید بتایا کہ اہرام مصر میں زمین کے حوالے سے بہت سے اہم راز دفن ہیں جب کہ انسانی زندگی تبدیل ہوجائے گی اگر ابوالہول کو کھولا جائے، اس کو کھولنے کا طریقہ ابوالہول کے کان کے پیچھے ہے جو مجھے یاد نہیں