بریکنگ نیوز
Home / پاکستان / چیف الیکشن کمشنر نے انتخابات وقت پر ہونے کی خوشخبری سنا دی

چیف الیکشن کمشنر نے انتخابات وقت پر ہونے کی خوشخبری سنا دی


اسلام آباد ۔چیف الیکشن کمشنر سردار محمد رضا خان نے شناختی کارڈ بنواتے وقت ہی ووٹ کے اندراج کے سسٹم کا افتتاح کر دیا۔سسٹم کے تحت شناختی کارڈ بنواتے وقت وو ٹرکو آپشن دی جائے گی کہ اپنے مستقل پتہ پر ووٹ درج کرانا چاہتا ہے یا یا موجودہ پتہ پر ، جبکہ جے آئی ایس سسٹم کے تحت ووٹر کے گھر کا پتہ گوگل ٹیگ کے ذریعے نادرا سے منسلک ہو جائے گا،چیف الیکشن کمشنر سردار رضا خان نے کہا ہے کہ آئندہ عام انتخابات وقت پر ہوں گے، الیکشن کمیشن اور نادرا ملکر انتخابی عمل کی شفافیت اور انتخابی فہرستیں بنانے کے لئے کام کریں گے تاکہ کوئی انتخابی فہرستوں کی شفافیت پر انگلی نہ اٹھا سکے ۔

اس آپشن سے لوگوں کو سہولت ہو گی کہ ان کی مرضی کے مطابق اس علاقے میں ان کا ووٹ درج ہو گا جہاں ان کو آسانی ہو گی۔عوام سے اپیل ہے کہ وہ نادرا کے عملے سے تعاون کریں ۔تفصیلات کے مطابق جمعہ کو نادرا میگا سینٹر میں شناختی کارڈ بنواتے وقت ہی ووٹ کے اندراج کے سسٹم کی افتتاحی تقریب منعقد کی گئی ، جس کے مہمان خصوصی چیف الیکشن کمشنر سردار رضا خان تھے ،تقریب سے خطاب کرتے ہوئے سردار رضا خان نے کہا کہ آج الیکشن کمیشن کے لئے تاریخی دن ہے لوگوں کی سہولت کے لئے شناختی کارڈ بنانے کے لئے نادرا سینٹر آنے والوں کو آپشن دیا جائے گا کہ وہ اپنے عارضی پتہ پرووٹ کا اندراج کرنا چاہتے ہیں یا مستقل پتہ پر ۔

انہوں نے کہا کہ اس آپشن سے لوگوں کو سہولت ہو گی کہ ان کی مرضی کے مطابق اس علاقے میں ان کا ووٹ درج ہو گا جہاں ان کو آسانی ہو گی۔انہوں نے کہا کہ میں چیئرمین نادرا کا بھی شکریہ ادا کرنا چاہوں گا جنہوں نے اس سوفٹ ویئر کو بنایا ۔ الیکشن کمیشن اور نادرا ملکر انتخابی عمل کی شفافیت اور انتخابی فہرستیں بنانے کے لئے کام کریں گے تاکہ کوئی انتخابی فہرستوں کی شفافیت پر انگلی نہ اٹھا سکے ۔ عوام سے اپیل ہے کہ وہ نادرا کے عملے سے تعاون کریں ۔

اللہ سے دعاہے کہ اس مشن کو پایہ تکمیل تک پہنچائے۔ اس موقع پر چیف الیکشن کمشنر سردار رضا خان نے شناختی کارڈ بنواتے وقت ہی ووٹ کے اندراج کے سسٹم کا افتتاح کیا ۔اس سسٹم کے تحت انتخابی قوانین 2017کے تحت شناختی کارڈ بنواتے وقت ووٹر اپنے مستقل یا موجودہ پتہ پر اپنا ووٹ درج کروا سکے گا ۔ تقریب کے دوران چیئرمین نادرا عثمان یوسف مبین نے بھی خطاب کیا اور نئے سسٹم سے متعلق آگاہ کیا ۔

تقریب کے بعد صحافی کی جانب سے پوچھے گئے سوال کے جواب میں چیف الیکشن کمشنر سردار رضا خان نے کہا کہ آئندہ عام انتخابات وقت پر ہوں گے،صحافی کی جانب سے سوال کیا گیا کہ عام انتخابات کی تیاریوں میں الیکشن کمیشن کو کن چیلنجز کا سامنا ہے جس پر انہوں نے جواب دیا کہ نو کمنٹ۔