بریکنگ نیوز
Home / پاکستان / محکمہّ آبپاشی میں بھی ای بیڈنگ کا نظام رائج کرنیکا فیصلہ

محکمہّ آبپاشی میں بھی ای بیڈنگ کا نظام رائج کرنیکا فیصلہ


پشاور۔خیبر پختونخواکے وزیر آبپاشی و کھیل محمود خان نے محکمہ آبپاشی کے اعلیٰ حکام کو ہدایت کی ہے کہ وہ محکمہ آبپاشی کے ٹینڈروں کے طریقہ کارمیں شفافیت لانے کیلئے ای بیڈنگ سسٹم کو جلد از جلد رائج کرنے کیلئے تمام تر قانونی تقاضوں کو پورا کرتے ہوئے لائحہ عمل تیار کریں۔یہ ہدایت انہوں نے پیر کے روز محکمہ ایریگیشن کے کمیٹی روم پشاور میں محکمہ آبپاشی میں ای بیڈنگ سسٹم رائج کرنے کے سلسلے میں دئے گئے بریفنگ کے موقع پر دی۔

اس موقع پر سیکرٹری ایریگیشن خیبر پختونخوا طارق رشید اور دیگر اہلکار بھی موجود تھے۔ اس موقع پر ڈپٹی ڈائریکٹر آئی ٹی نے صوبائی وزیر کو ای بیڈنگ سسٹم رائج کرنے کے طریقہ کار کے بارے میں تفصیلی بریفنگ دی جس پر صوبائی وزیر آبپاشی محمود خان نے اطمینان کا اظہار کیا۔ انہوں نے کہا کہ صوبائی حکومت صوبے میں تمام قومی تعمیرنو لانے کے لئے پرعزم ہے کیونکہ قومی وسائل قوم کی امانت ہیں اس کو صحیح معنوں میں مفاد عامہ کے منصوبوں پر خرچ کرنے کو یقینی بنایا جائے گا۔