بریکنگ نیوز
Home / پاکستان / گھروں کا صفایا کرنیوالا خواتین گروہ سرغنہ سمیت گرفتار

گھروں کا صفایا کرنیوالا خواتین گروہ سرغنہ سمیت گرفتار


پشاور۔کیپٹل سٹی پولیس پشاور نے نواحی علاقوں میں چوڑیاں بیچنے کی آڑ میں گھروں کا صفایا کرنیوالی بین الصوبائی خواتین گروہ کی سرغنہ سمیت 4خواتین کو گرفتار کرلیا گرفتار خواتین کے قبضے سے لوٹی گئی لاکھوں کی نقدی اوردیگر سامان برآمد کرلیا ابتدائی تفتیش میں خواتین نے کئی وارداتوں کا اعتراف کرلیا اس ضمن میں گزشتہ روز ایس پی صدر ڈویژن شوکت خان نے ایس ایچ او سربند تحسین اللہ خان کے ہمراہ مشترکہ پریس کانفرنس کرتے ہوئے بتایاکہ 9 نومبر کو سربند کے رہائشی جانس خان ولد محبت خان نامی شخص نے رپورٹ درج کرائی تھی۔

وہ صبح پینشن لینے کیلئے گورنمنٹ پوسٹ آفس ( جی پی او) گیا تھا تاہم شام کو واپس آیا تو چارپائی کے نیچے رکھا صندوقچہ غائب تھا جس میں 14 لاکھ روپے نقد اور 3 تولے سونا پڑا تھا تاہم پوچھنے پر بہو نے بتایا کہ تقریباً 8 خواتین چوڑیاں بیچنے آئیں تھی جنہیں مشکوک حرکتوں پر زبردستی گھر سے نکال دیا ہوسکتا ہے۔
۔
انہوں نے چوری کی ہوایس پی شوکت خان نے کہا کہ مقدمہ درج کرکے ملزمان کی تلاش شروع کردی گئی تھی جس کے دوران گزشتہ روز واردات میں ملوث گروہ کے 4 ارکان کو اچینی کے علاقہ سے گرفتار کرلیا جن میں راز بی بی بیوہ مثل خان، الفت زوجہ خاندان ساکنان نوشہرہ، کائنات دختر شازلی عرف بڈنگ اور زکرینہ زوجہ ساجد ساکنان متنی دروازگئی شامل ہیں ۔

جن کے قبضہ سے مسروقہ رقم میں 9 لاکھ 14 ہزار روپے برآمد کرلئے گئے ہیں انہوں نے کہا کہ گرفتار خواتین نے ابتدائی تفتیش کے دوران دیگر صوبوں میں وارداتیں کرنے کا اعتراف اور دیگر ساتھی خواتین کے نام بھی اگل دیئے ہیں جن کی گرفتاری جلد عمل میں لائی جائے گی۔