بریکنگ نیوز
Home / پاکستان / سانحہ تربت کا زندہ بچ جانیوالا دوست گھر پہنچ گیا

سانحہ تربت کا زندہ بچ جانیوالا دوست گھر پہنچ گیا


سیالکوٹ۔بلوچستان میں قتل ہونے والے نوجوانوں کا دوست اور واقعے کا عینی شاہد حیدر معجزانہ طور پر زندہ بچ کر گھر واپس پہنچ گیا ہے پولیس کے مطابق 15 نومبر کو بلوچستان کے علاقے تربت میں 15 افراد کی لاشیں ملی تھیں جنہیں فائرنگ کرکے ہلاک کردیا گیا تھا۔

قتل ہونے والے تمام افراد کا تعلق پنجاب کے مختلف اضلاع سے تھا، انہی افراد میں سیالکوٹ کی تحصیل سمبڑیال سے تعلق رکھنے والے 3 نوجوان ابوبکر، حمزہ اور حیدر بھی تھے جو ہمراہ ترکی جانے کے لئے نکلے لیکن راستے میں دہشت گردی کا نشانہ بن گئے۔

واقعے میں زندہ بچ جانے والا حیدر نامی نوجوان بحفاظت اچانک واپس اپنے گھر پہنچنے میں کامیاب ہوگیا۔ حیدر ان 15 بدقسمت نوجوانوں میں شامل تھا جنہیں تربت کے علاقے بلیدہ میں بے دردی سے قتل کردیا گیا تھا۔

حیدر کے گھر پہنچتے ہی اس کی ماں کے خوشی سے آنسو جاری ہوگئے اور وہ لخت جگر سے لپٹ کر روتی رہی۔ پولیس حکام پر امید ہیں کہ حیدر کی گھر واپسی کے بعد 15 نومبر کو پیش آنے والے دلخراش واقعے میں تحقیقات میں واضح مدد مل سکے گی۔