بریکنگ نیوز
Home / سائنس و ٹیکنالوجی / جرمنی میں دنیا کی پہلی ماحول دوست ہائیڈروجن مسافر ٹرین تیار

جرمنی میں دنیا کی پہلی ماحول دوست ہائیڈروجن مسافر ٹرین تیار


برلن۔ جرمنی نے دنیا کی پہلی ہائیڈروجن مسافر ٹرین متعارف کرادی ہے جو نہایت خاموش اور ماحول دوست ہے۔

اس ٹرین کا نام ’’ ہائڈریل‘‘ رکھا گیا ہے جسے جرمنی کے لیے فرانس کی ایک کمپنی ایلسٹوم نے تیار کیا ہے۔

 اسے دنیا کی ماحول دوست سواری قرار دیا جاسکتا ہے کیونکہ ہائیڈروجن انجن کی بنا پر یہ بہت خاموش اور پرسکون سواری ہے اور صرف بھاپ اور پانی کے بخارات ہی فضا میں خارج کرتی ہے جو ماحول کو کوئی نقصان نہیں پہنچاتے۔

جرمنی میں اس وقت 4 ہزار ٹرینوں کا ایک نیٹ ورک ہے جو ڈیزل سے چلتا ہے لیکن انہیں ہائیڈروجن پر منتقل کرکے گرین ہاؤس کی وجہ بننے والی گیسوں کا اخراج صفر کیا جاسکتا ہے۔

گزشتہ ہفتے جرمنی میں ہونے والی ایک ٹرانسپورٹ نمائش میں ہائیڈروجن ٹرین کا عملی مظاہرہ کیا گیا اور اسے ہائیڈریل کا نام دیا گیا ہے۔

پہلے اسے تجرباتی طور پر شمال مغربی جرمنی میں چلایا جائے گا اور پھر اجازت کے بعد دسمبر 2017 میں اسے جرمنی میں بڑے پیمانے پر استعمال کیا جائے گا۔