بریکنگ نیوز
Home / انٹرنیشنل / موصل میں تین کاربم دھماکے، 8پولیس اہلکاروں سمیت 23 افراد ہلاک

موصل میں تین کاربم دھماکے، 8پولیس اہلکاروں سمیت 23 افراد ہلاک

بغداد۔عراق کے دوسرے بڑے شہر موصل کی مارکیٹ میں ہونے والے یکے بعد دیگرے 3 کار بم دھماکوں میں 23 افراد ہلاک جب کہ 50 سے زائد زخمی ہو گئے۔غیرملکی خبررساں ادارے کے مطابق گزشتہ روز عراق کے شہر موصل میں ہونے والے 3 بم دھماکوں میں اب تک 23 افراد ہلاک اور متعدد زخمی ہوگئے ہیں۔

عراقی وزارت دفاع نے دھماکوں کی تصدیق کرتے ہوئے کہا ہے کہ موصل کے علاقے گوجالی میں واقع ایک پرہجوم بازار میں کار کے ذریعے 3 دھماکے کئے گئے جن میں اب تک 23 افراد ہلاک ہوچکے ہیں۔ جن میں 15 عام شہری اور 8 پولیس اہلکار بھی شامل ہیں۔دھماکے میں ہلاک اور زخمیوں کو قریبی اسپتالوں میں منتقل کر دیا گیا جب کہ متعدد افراد کی حالت تشویشناک ہونے کے باعث ہلاکتوں میں اضافے کا بھی خدشہ ہے۔