بریکنگ نیوز
Home / کھیل / آسٹریلیا ٹیم سلیکشن کے حوالے سے تذبذب کا شکار

آسٹریلیا ٹیم سلیکشن کے حوالے سے تذبذب کا شکار


میلبورن۔ میلبورن ٹیسٹ سے قبل آسٹریلیا ٹیم سلیکشن کے حوالے سے تذبذب کا شکار ہے،مچل اسٹارک اور جوش ہیزل ووڈ کی میچ فٹنس یقینی نہیں، نک میڈنسن پرتھ ٹیسٹ کی دونوں اننگز میں ناکامی سے دوچار ہوئے،کارٹ رائٹ کی فرسٹ کلاس کرکٹ میں کارکردگی اوسط درجے کی ہے۔

تفصیلات کے مطابق میلبورن ٹیسٹ کے آغاز میں زیادہ وقت باقی نہیں بچا لیکن آسٹریلیا ٹیم سلیکشن کے حوالے سے کوئی فیصلہ نہیں کرپا رہا، سلیکٹرز کیلیے ایک مشکل یہ بھی ہے کہ کینگروز چھٹے نمبر پر کسی بیٹنگ آل راؤنڈر کو شامل کرنے کی خواہش رکھتے ہیں، نک میڈنسن پرتھ ٹیسٹ کی دونوں اننگز میں ناکامی سے دوچار ہوئے،ان کی خراب فارم بھی باعث تشویش جبکہ متبادل بھی نظر نہیں آرہا۔

کارٹ رائیٹ کو نیوزی لینڈ کیخلاف ون ڈے سیریز میں اسکواڈ کا حصہ بنایا گیا تھا لیکن وہ کوئی میچ نہیں کھیلے، انھوں نے 16فرسٹ کلاس میچز میں بیٹنگ کرتے ہوئے 44.50کی اوسط سے رنز بنائے ہیں لیکن بولنگ میں 41.93کی ایوریج سے 15وکٹیں حاصل کی ہیں، شیفلڈ ٹرافی میں انھوں نے 74.75کی اوسط سے صرف 4 شکار کیے،یوں وہ آل راؤنڈرکا خلا پُر کرنے کے اہل نہیں سمجھے جا سکتے، جنوری کے بعد سے وارنر بھی کوئی سنچری نہیں بناسکے ہیں۔