بریکنگ نیوز
Home / پاکستان / پاکستان کے پانی کے تحفظ کو بھی سی پیک کا حصہ بنا دیا گیا

پاکستان کے پانی کے تحفظ کو بھی سی پیک کا حصہ بنا دیا گیا

پاک چین اقتصادی راہداری منصوبے میں ایک اور اہم اضافہ ہوگیا ہے ،پاکستان کے پانی کے تحفط کو بھی
سی پیک فریم ورک کا حصہ بنا دیا گیا۔پاکستان کے پانی کے تحفظ کو سی پیک منصوبے میں شامل کرنے کا فیصلہ جوائنٹ کوآرڈینشن کمیٹی کے چھٹے اجلاس میں کیا گیا۔

وزیر منصوبہ بندی احسن اقبال کے مطابق پاکستان دریائے سندھ پر بھاشا دیامر ڈیم بنانا چاہتا ہے مگر بھارتی مداخلت کے باعث ایسا ممکن نہیں ہو پا رہا۔ بھارت کے اعتراضات کے باعث عالمی بینک اور ایشیائی ترقیاتی بینک نے فنڈنگ سے انکار کر دیا ہے۔وزیر منصوبہ بندی احسن اقبال نے دیامر بھاشا ڈیم کو بھی سی پیک منصوبے میں شامل کرنے کی خواہش کا اظہار کیا۔پاکستان کے پانی کے تحفظ کو سی پیک کا حصہ بنانے کا مقصد پاکستان میں دریاؤں کے پانی سے بھرپور فائدہ اٹھانا ہے۔