پاکستان سپر لیگ (پی ایس ایل) کے دسویں ایڈیشن میں قومی کرکٹ ٹیم کے سابق کپتان اور سلیکشن کمیٹی کے رکن مصباح الحق کے بیٹے فہام الحق کو مقامی کھلاڑیوں کی گولڈ کیٹیگری میں شامل کیا گیا ہے۔ پی ایس ایل انتظامیہ کی جانب سے اس حوالے سے ایک پوسٹ جاری کی گئی، جس میں بتایا گیا کہ فہام الحق، جو کہ ایک انڈر 19 کرکٹر ہیں، کو اس ایڈیشن کے لیے منتخب کیا گیا ہے۔
ایمرجنگ کیٹیگری میں بھی مقامی کھلاڑیوں کی ایک متوقع فہرست سامنے آئی ہے، جس میں حنین شاہ، عبید شاہ، انڈر 19 کرکٹ ٹیم کے کپتان سعد بیگ اور شمائل حسین جیسے اہم نام شامل ہیں۔ اس کے علاوہ، نسیم شاہ کے بھائیوں نے پچھلے سیزن میں اسلام آباد یونائیٹڈ کی نمائندگی کرتے ہوئے ٹیم کی فتح میں اہم کردار ادا کیا اور تیسری بار پی ایس ایل ٹرافی جتوائی۔
پی ایس ایل کا اگلا ایڈیشن اپریل اور مئی کے مہینوں میں شیڈول ہے۔
