581

پاکستان کا ترکی سے غیر قانونی تارکین کو واپس لانے کا فیصلہ

اسلام آباد۔ حکومت نے ترکی میں 50 ہزار سے زائد غیر قانونی تارکین وطن کو واپس لانے کا فیصلہ کیا ہے جس کے تحت سات رکنی ٹیم ترک جیلوں میں قید غیر قانونی پاکستانی تارکین کی شہریت کی جانچ پڑتال کرے گی۔ تفصیلات کے مطابق حکومت نے ترکی سے غیر قانونی تارکین وطن پاکستانیوں کی واپسی کے لیے سات رکنی ٹیم ترکی بھجوانے کا فیصلہ کیا ہے۔

 دستاویز کے مطابق سات رکنی ٹیم یکم جولائی کو پاکستان سے ترکی جائے گی، ٹیم میں ایف آئی اے کے چار اور نادرا کے تین افسران شامل ہیں جن میں ایف آئی اے کے ڈائریکٹر، ایڈیشنل ڈائریکٹر، اسسٹنٹ ڈائریکٹر اور ایک انسپیکٹرشامل ہوں گے۔اس کے علاوہ نادرا کے ایک جی ایم، ایک ڈپٹی ڈائریکٹر اور ایک اسسٹنٹ ڈائریکٹرکو بھی ٹیم میں شامل کیا گیا ہے۔

 سات رکنی ٹیم ترک جیلوں میں قید غیر قانونی پاکستانی تارکین کی شہریت کی جانچ پڑتال کرے گا- ترکی میں 50 ہزار 248 غیر قانونی پاکستانی تارکین وطن ہیں، ترکی کے 18 صوبوں کے 21 سینٹرز میں اس وقت 3110 پاکستانی قیدی موجود ہیں۔