543

خیبر پختونخوا ترقیاتی بجٹ میں بازی لے گیا

پشاور۔مالی مشکلات اور نامساعد حالا ت کے باوجود خیبرپختونخواترقیاتی بجٹ کے معاملہ میں پورے ملک میں باز ی لے گیا مرکز اور دیگر تینوں صوبوں کے مقابلہ میں ترقیاتی بجٹ میں فی کس سب سے زیادہ رقم خیبرپختونخواکے بجٹ میں رکھی گئی ہے مرکز سمیت تمام صوبے اپنااپنا بجٹ پیش کرچکے ہیں وفاقی حکومت نے اگلے مالی سا ل کے لیے ترقیاتی بجٹ کاحجم 701ار ب روپے ہے جبکہ پنجاب کے سالانہ ترقیاتی پروگرام کاحجم ساڑھے تین سو ارب،صوبہ سندھ کا 285ار ب،خیبرپختونخوا کا 319ارب روپے جبکہ بلوچستان کے سالانہ ترقیاتی پروگرام کاحجم ایک سو روپے ہے۔

 آبادی کی بنیاد پر جائزہ لیا جائے تو مرکزی حکومت نے ترقیاتی کاموں کے لیے فی کس 3373روپے مختص کیے ہوئے ہیں جو سب سے کم رقم ہے پنجا ب کاترقیاتی بجٹ فی کس 3181روپے ہے اس طرح سند ھ کاترقیاتی بجٹ 5951روپے ہے جبکہ بلوچستان کاترقیاتی بجٹ فی کس 8100روپے بنتاہے تاہم مالی مشکلات سے دوچارخیبرنخوا کا ترقیاتی بجٹ فی کس سب سے زیادہ یعنی 8979گویا نوہزار کے لگ بھگ ہے یوں خیبرپختونخواترقیاتی منصوبوں میں فی کس سب سے زیادہ رقم مختص کرنے کااعزاز حاصل کرگیاہے۔