کراچی: سندھ اسمبلی 11 اگست کو تحلیل کرنے کا فیصلہ کرلیا گیا، الوداعی فوٹوسیشن جمعہ کو ہوگا۔
تفصیلات کے مطابق سندھ اسمبلی کو گیارہ اگست کوتحلیل کرنے کا فیصلہ کرلیا گیا، ذرائع کا کہنا ہے وزیراعلی سندھ نو اور دس اگست کو کابینہ کا آخری اجلاس کریں گے۔
ذرائع نے کہا ہے کہ ارکان سندھ اسمبلی کے لیے منگل کو ہونے والا فوٹوسیشن بھی ملتوی کردیا گیا ہے، الوداعی فوٹوسیشن اب جمعہ کوہوگا، جس میں ارکان اسمبلی کیلئے ظہرانے کا اہتمام بھی کیا جائے گا۔
سندھ حکومت کی جانب سے جمعہ تک تمام سرکاری امورمکمل کرنیکی ہدایت کردی گئی ہے، جس کے پیش نظر سندھ بھر کے سرکاری دفاترمیں رات گئے تک کام جاری رہا۔
