بریکنگ نیوز
Home / پاکستان / زرداری نے سندھ میں ایک لاکھ ایکٹر زمین پر قبضہ کیا ہوا ہے،عمران خان

زرداری نے سندھ میں ایک لاکھ ایکٹر زمین پر قبضہ کیا ہوا ہے،عمران خان

دادو۔پاکستان تحریک انصاف کے سربراہ عمران خان نے کہا ہے کہ زرداری کرپٹ ہے مگر منافق نہیں،زرداری نے سندھ میں ایک لاکھ ایکٹر زمین پر قبضہ کیا ہوا ہے، نواز شریف اور آصف زرداری دونوں کرپٹ ہیں،سپریم کورٹ نے قطری خط کو مسترد کردیا ہے، نواز شریف میں شرم ہوتی تو مستعفی ہوجاتے،آصف زرداری اور نواز شریف 30 سال سے ملک کو لوٹ رہے ہیں ۔ دادو میں میڈیا سے گفتگو کرتے ہوئے چیئرمین پی ٹی آئی عمران خان نے کہا کہ نواز شریف اور آصف زرداری دونوں کرپٹ ہیں،سپریم کورٹ نے قطری خط کو مسترد کردیا ہے۔

سپریم کورٹ میں پیش کی گئی منی ٹریل بھی مسترد کردی گئی،عدالت نے کہا کہ وزیراعظم صادق اور امین نہیں پھر بھی مٹھائیاں بانٹ رہے ہیں،مٹھائیاں بانٹنے والے بیوقوف ہیں اور نواز شریف میں شرم ہوتی تو مستعفی ہوجاتے۔ عمران خان کا کہنا تھا کہ سپریم کورٹ نے خود کہا کہ ادارے مفلوج ہوچکے ہیں اور وزیراعظم کے ہوتے ہوئے اداراے تحقیقات کیسے کریں گے،سندھ میں ایک بڑے جلسے کی تیاری کررہے ہیں۔سربراہ پی ٹی آئی کا مزید کہنا تھا کہ دادو کے لوگ بھی کرپشن کا خاتمہ چاہتے ہیں،مہذب معاشروں میں ٹرین حادثے پر وزیرمستعفی ہوجاتے ہیں،زرداری اقتدار سے پہلے کیا تھے او ر اب اربوں کے مالک بن گئے ہیں،آصف زرداری اور نواز شریف 30 سال سے ملک کو لوٹ رہے ہیں۔