بریکنگ نیوز
Home / شوبز / سلمان خان کے 3 باڈی گارڈز فارغ

سلمان خان کے 3 باڈی گارڈز فارغ

ممبئی ۔دبنگ سلمان خان نے ذاتی معلومات میڈیا کو فراہم کرنے پر اپنی منیجر سمیت 3 باڈی گارڈز کو فارغ کرنے کا فیصلہ کر لیا۔ سلمان خان کو اس وقت بہت غصہ آیا جب انہیں یہ معلوم ہوا کہ ان کے کچھ باڈی گارڈز ان کی ذاتی معلومات میڈیا کو فراہم کر رہے ہیں۔ سلمان خان نے تفتیش کے بعد اپنے 3 باڈی گارڈز اور اپنی منیجر ریشما شیٹی کو بھی فارغ کرنے کا فیصلہ کر لیا۔

14 سال اداکار کی منیجر رہنے والی ریشما شیٹی سلمان خان اور ان کے گھر والوں میں ایک عرصے سے غلط فہمیاں پیدا کر رہی تھیں۔ ریشما شیٹی طویل عرصے سے سلمان خان کے تمام کاروباری معاملات کو دیکھتی تھیں۔ دبنگ خان کو معلوم ہوا ہے کہ ان کے باڈی گارڈز اداکار اور ان کے خاندان سے متعلق انتہائی اہم معلومات میڈیا کو فراہم کر رہے ہیں تو انہوں نے فوری طور پر انہیں فارغ کرنے کا فیصلہ کیا جبکہ وہ ان باڈی گارڈز اور منیجر سے کسی بھی قسم کا رابطہ نہیں رکھنا چاہتے ہیں۔