بریکنگ نیوز
Home / کھیل / کرکٹر محمد نواز پر ایک ماہ کی پابندی عائد

کرکٹر محمد نواز پر ایک ماہ کی پابندی عائد

لاہور: بکی کے رابطوں پر تاخیر سے آگاہ کرنے پر کرکٹر محمد نواز پر ایک ماہ کی پابندی عائد کر دی گئی ہے جب کہ انہیں 2 لاکھ روپے جرمانہ کی سزا بھی سنائی گئی ہے۔

کرکٹر محمد نواز پر دورہ آسٹریلیا کے دوران بکی کے رابطہ کرنے پر پی سی بی حکام کو بروقت آگاہ نہ کرنے کا الزام تھا، پی سی بی اینٹی کرپشن یونٹ نے کرکٹر کی جانب سے غلطی تسلیم کرنے پر ان کا سینٹرل کنٹریکٹ معطل کرتے ہوئے ایک ماہ کی پابندی عائد کر دی ہے جس کا اطلاق 16 مئی سے ہو گا جس کے ساتھ انہیں 2 لاکھ روپے بطور جرمانہ بھی جمع کروانے ہوں گے۔

 محمد نواز کو 6 ماہ زیر نگرانی رکھا جائے گا اور انہیں اس دوران اینٹی کرپشن پروگرامز میں شرکت کرنا ہو گی، پروگرامز میں عدم شرکت یا کسی اور شق کی خلاف ورزی پر مزید ایک ماہ کی معطلی کا سامنا کرنا پڑے گا۔