بریکنگ نیوز
Home / انٹرنیشنل / برطانوی شہرمانچسٹرمیں کنسرٹ کے دوران دھماکا

برطانوی شہرمانچسٹرمیں کنسرٹ کے دوران دھماکا

مانچسٹر: ارینا میں کانسرٹ کے دوران زوردار دھماکا ہوا جس کے نتیجے میں 19 افراد ہلاک اور 50 سے زائد زخمی ہوگئے۔

برطانوی میڈیا کے مطابق مانچسٹرارینا کے سٹی سینٹر میں امریکی گلوکارہ آریانا گرانڈے کا کانسرٹ جاری تھا کہ اچانک زوردار دھماکا ہوا جس کے نتیجے میں کنسرٹ میں موجود 19 افراد ہلاک اور 50 سے زائد زخمی ہو گئے تاہم زخمیوں کو اسپتال منتقل کردیا گیا ہے جبکہ دھماکے میں امریکی گلوکارہ آریانا گرانڈے محفوظ رہیں۔

دوسری جانب برطانوی حکام نے واقعےکو دہشتگردی قرار دیتے ہوئے مانچسٹر شہر میں ایمرجنسی نافذ کردی ہے اور سیکیورٹی ریڈ الرٹ بھی جاری کردیا گیا ہے۔  مانچسٹردھماکے کے بعد کنزرویٹو پارٹی نے اپنی الیکشن مہم معطل کردی جب کہ برطانوی وزیراعظم نے آجدوپہر اعلی سطح اجلاس بھی طلب کرلیاہے۔

ادھر برطانوی پولیس نے ہلاکتوں کی تصدیقکرتے ہوئے بتایا ہے کہ دھماکا ارینا کے داخلی دروازے کے قریب ہوا، اس وقت کانسرٹ میں 20 ہزار سے زائد افراد موجود تھے بعدازاں جہاں پر بھگدڑ مچ گئی اور کئی افراد زخمی بھی ہوئے ہیں۔

برطانوی پولیس کے مطابق جائے وقوعہ سے مشتبہ ڈیوائس بھی ملی ہے جس سے ممکنہ طور پر دھماکا کیا گیا ہے تاہم پولیس نے واقعے کو دہشت گردی قرار دیتے ہوئے پورے علاقے کو گھیرے میں لے لیا ہے اور سیکیورٹی ادارے بھی جائے وقوعہ پر موجود ہیں جہاں مزید تحقیقات کی جارہی ہیں۔

علاوہ ازیں برطانویمیڈیا نے خدشہ ظاہر کیا ہے کہ دھماکا خودکش بھی ہو سکتا ہے تاہم دھماکے کے بعد ہیلی کاپٹرز سے متاثرہ علاقے کی فضائی نگرانی بھی کی جارہی ہے اور قریب ہی موجود وکٹوریہ اسٹیشن پر ٹرین سروس معطل کردی گئی ہے جبکہ شہریوں کو جائے وقوعہ سے دور رہنے کی ہدایت کی گئی ہے۔