بریکنگ نیوز
Home / شوبز / پیمرا نے بھارتی مواد روکنے کیلئے ٹی وی چینلز کی مانیٹرنگ شروع کردی

پیمرا نے بھارتی مواد روکنے کیلئے ٹی وی چینلز کی مانیٹرنگ شروع کردی


اسلام آباد۔ پیمرا نے آج سے بھارتی مواد کی نشریات پر عائد پابندی پر عملدرآمد کرانے کے لیے ٹی وی چینلز اور ایف ایم ریڈیوز کی مانیٹرنگ شروع کردی۔

پاکستان الیکٹرانک میڈیا ریگولیٹری اتھارٹی (پیمرا) کی جانب سے جاری کردہ رپورٹ کے مطابق پیمرا نے آج سے تمام سیٹلائٹ ٹی وی چینلز اور ایف ایم ریڈیوز کی مانیٹرنگ کا آغاز کردیا ہے۔ پیمرا کے مطابق بھارتی مواد پر عائد پابندی کی خلاف ورزی کرنے کی صورت میں فوری قانونی کارروائی کی جائے گی اور بغیر شوکاز نوٹس جاری کیے متعلقہ ٹی وی چینلز یا ایف ایم ریڈیوز کو بند کردیا جائے گا جب کہ اس سلسلے میں متعلقہ آفسز کو ضروری احکامات جاری کردیئے گئے ہیں۔

واضح رہے کہ پاک بھارت کشیدگی کے بعد پیمرا کی جانب سے پاکستانی ٹی وی چینلز اور دیگر ذرائع ابلاغ پر بھارتی مواد کی نشریات پر مکمل پابندی عائد کی جاچکی ہے اور اس سلسلے میں تمام ٹی وی چینلز اور ایف ایم ریڈیوز کو بھی ہدایات جاری کی جاچکی ہیں۔