بریکنگ نیوز
Home / پاکستان / کوئٹہ میں دھماکا اورفائرنگ، انسپکٹر سمیت 7 اہلکار شہید

کوئٹہ میں دھماکا اورفائرنگ، انسپکٹر سمیت 7 اہلکار شہید


کوئٹہ: نیوسریاب کےعلاقے میں دھماکے کے نتیجے میں 6 پولیس اہلکارشہید جب کہ قمبرانی روڈ پرفائرنگ سے سی ٹی ڈی انسپیکٹرشہید ہوگیا۔

ایف سی اور پولیس نے علاقے کو گھیرے میں لے لیا ۔ فوٹو:اسکرین گریب

کوئٹہ میں نیوسریاب کےعلاقے میں دہشت گردوں نے پولیس کے ٹرک کوریمورٹ کنٹرول ڈیوائس سے نشانہ بنایا، جس کے بعد ٹرک میں آگ لگ گئی، جس کے نتیجے میں 6 پولیس اہلکارشہید جب کہ 10 زخمی ہوگئے۔ زخمیوں کو سول اسپتال منتقل کردیا گیا ہے جہاں چند زخمیوں کی حالت تشویش ناک بتائی جاتی ہے۔

پولیس کا کہنا ہے کہ پولیس کے ٹرک میں 35 سے زائد اہلکارسوارتھے، شہرکے سول اسپتال میں ایمرجنسی نافذ کردی گئی ہے اورطبی عملہ الرٹ ہے۔ پولیس اورایف سی نے دھماکےکی جگہ کو گھیرے میں لے کر آپریشن شروع کردیا اور علاقے میں سیکیورٹی کو ہائی الرٹ کردیا گیا ہے۔

دوسری جانب کوئٹہ کے قمبرانی روڈ پرنامعلوم افراد کی جانب سے فائرنگ کی گئی، جس کے نتیجے میں سی ٹی ڈی انسپیکٹرعبدالسلام بھی موقع پر ہی شہید ہوگیا۔