آسٹریلوی فاسٹ بولر میچل اسٹارک نے سیکیورٹی خدشات کے باعث انڈین پریمیئر لیگ کے بقیہ میچز کھیلنے سے انکار کر دیا۔
رپورٹس کے مطابق اسٹارک نے خطے میں موجود کشیدہ صورتحال کے پیش نظر بھارت واپس نہ جانے کا فیصلہ کیا ہے اور اس بارے میں دہلی کیپیٹلز کو بھی آگاہ کر دیا ہے۔
بتایا گیا ہے کہ اسٹارک اس میچ کا حصہ تھے جسے دھرم شالا میں بلیک آؤٹ کی وجہ سے روکا گیا، جبکہ ان کی اہلیہ ایلیسا ہیلی نے بھی مقامی حالات پر تشویش کا اظہار کیا تھا۔
دوسری جانب جوش ہیزل ووڈ کندھے کی تکلیف کے باوجود انڈیا واپس جا رہے ہیں اور رائل چیلنجر بنگلور کو پلے آف سے قبل جوائن کریں گے۔
آسٹریلوی کپتان پیٹ کمنز اور ٹریوس ہیڈ بھی اپنی ٹیموں کو جوائن کرنے والے کھلاڑیوں میں شامل ہیں۔
واضح رہے کہ آئی پی ایل کو ایک ہفتے کے لیے ملتوی کیا گیا تھا اور لیگ 17 مئی سے دوبارہ شروع ہو رہی ہے۔
