ذیابیطیس کے مریضوں کیلئے اچھی خبر، چین اور پاکستان کے درمیان فارماسیوٹیکل تعاون میں اہم رفت، انسولین پین تیار کر لیا۔
پاکستان گیٹز فارما اور چائنا گین اینڈ لی فارماسیوٹیکلز کی جانب سے تیار کردہ پہلے سے بھرے ہوئے انسولین پین کی لانچنگ تقریب کراچی میں منعقد ہوئی۔گوادر پرو کے مطابق اس سنگ میل کی تقریب میں گیٹز فارما کے سی ای او اور منیجنگ ڈائریکٹر خالد محمود اور گن اینڈ لی فارماسیوٹیکلز کے سی ای او ڈو کائی نے شرکت کی۔
ڈو کائی نے دونوں کمپنیوں کے درمیان دیرینہ شراکت داری پر روشنی ڈالی اور کہا کہ گیٹز فارما ایک دہائی سے زائد عرصے سے ہماری کمپنی کا قابل اعتماد غیر ملکی پارٹنر رہا ہے، جس میں ماضی میں دوسری نسل اور تیسری نسل کی انسولین کے خام مال سے متعلق تعاون شامل تھا۔
باساگین پین کے اجرا سے ذیابیطس کے علاج میں ہماری مصنوعات کے پورٹ فولیو میں مزید اضافہ ہوگا اور دونوں کمپنیوں کی طاقت سے فائدہ اٹھایا جائے گا۔
گوادر پرو کے مطابق انٹرنیشنل ذیابیطس فیڈریشن (آئی ڈی ایف)کے اعداد و شمار کے مطابق، پاکستان میں 20 سے 79 سال کی عمر کے تقریبا 33 ملین ذیابیطس کے مریض ہیں، جن کا سالانہ اوسط خرچ 80.1 ڈالر فی مریض ہے۔
پاکستان میں 20 سے 79 سال کی عمر کے افراد میں ذیابیطس کی شرح 30.8 فیصد ہے۔ بدقسمتی سے ملک میں ذیابیطس کے بہت سے مریضوں کو بروقت اور مناسب ادویات تک رسائی حاصل نہیں ہے۔
گوادر پرو کے مطابق گیٹز فارما کے نمائندے نے زور دے کر کہا باساگین پین کا تعارف مقامی مریضوں کے لئے اعلی معیار اور زیادہ قابل رسائی ادویات کے اختیارات فراہم کرکے اس صورتحال کو بہتر بنانے کا وعدہ کرتا ہے۔
گین اینڈ لی فارماسیوٹیکلز اور گیٹز فارما کے درمیان تعاون چین کی جدید فارماسیوٹیکل ٹیکنالوجی اور مینوفیکچرنگ کی صلاحیتوں کو مقامی مارکیٹ اور ڈسٹری بیوشن نیٹ ورکس کے بارے میں پاکستان کی تفہیم کے ساتھ یکجا کرتا ہے۔
یہ ہم آہنگی پاکستان میں ذیابیطس کے مریضوں کے لئے جدید علاج کے اختیارات کی ترقی اور دستیابی کی اجازت دیتی ہے۔
