کوئٹہ: پختونخوا میپ کے سربراہ محمود خان اچکزئی نے پارلیمنٹ میں نہ جانے کا اعلان کر دیا۔
پختونخوا میپ کے سربراہ محمود خان اچکزئی نے کوئٹہ میں پریس کانفرنس کرتے ہوئے کہا کہ امیدواروں سے کروڑوں روپے لیے گئے ہم اس بکاؤ پارلیمنٹ میں نہیں جائیں گے۔
انہوں نے کہا کہ ہمیں پارلیمنٹ میں جانے نہیں دیا جارہا ہم ہر گلی میں احتجاج کریں گے۔ جمہوریت اور آئین کی بالادستی پختونخوا میپ کی کمزوری رہی ہے۔
محمود خان اچکزئی نے کہا کہ اکابرین نے بھی جمہوریت کے لیے جدوجہد کی ہے اور آئین کی بالادستی سے ہمارا عشق رہا ہے۔ ہم جاسوسی اداروں کے خلاف نہیں ہیں۔
