راولپنڈی میں الشفا آئی ٹرسٹ اسپتال کے ڈاکٹرز نے سات ماہ کے افغان بچے کی آنکھ سے سرطان کا پھوڑا (ٹیومر) نکال دیا۔ ماہرین اس امر پر تحقیق کر رہے ہیں کہ پیدائش کے وقت بچے کی آنکھ میں سرطان کے خلیے اِتنی تیزی سے کیوں پروان چڑھے۔
افغانستان سے لائے جانے والے بچے کی بائیں آنکھ میں ٹیومر تھا۔ پیدائش کے وقت سرطان زدہ حصے کی لمبائی 40 سینٹی میٹر اور چوڑائی 25 سینٹی میٹر تھی۔ اس ٹیومر کا وزن 400 گرام تھا۔ آنکھ سے خون بھی بہتا رہا تھا۔
بچے کی آنکھ سے ٹیومر مکمل طور پر نکال دیا گیا ہے۔ سات ماہ بعد مصنوعی آنکھ لگائی جائے گی۔
اگر بروقت آپریشن نہ کیا جاتا تو سرطان دوسری آنکھ تک پھیل سکتا تھا۔ یہ ایک مشکل آپریشن تھا۔ بچے کے والدین کو مشاورت کے ذریعے اس آپریشن کے لیے راضی کیا گیا۔
افغان بچے کی آنکھ کا آپریشن کرنے والی ٹیم کے سربراہ اسسٹنٹ پروفیسر ڈاکٹر مرتضٰی تھے جبکہ اس میں ڈاکٹر ہُدٰی، ڈاکٹر زارہ اور ڈاکٹر علی رضا بھی شامل تھے۔
