نوشہرہ میں مسلح ملزمان نے فائرنگ کر کے پشتو گلوکارہ کو قتل کر دیا ۔ پولیس کے مطابق ملزمان گلوکارہ کو شوبز میں کام کرنے سے منع کررہے تھے۔
نوشہرہ کے علاقہ اکبر پورہ میں پشتوں فلموں اور ڈراموں کی مشہور اداکارہ کو قتل کر دیا گیا۔پولیس کے مطابق اداکارہ کو نامعلوم افراد کی جانب سے فائرنگ کرکے قتل کیا گیا ہے۔
پولیس کے مطابق قتل کرنے کی وجہ تاحال معلوم نہ ہوسکی البتہ ملزمان گلوکارہ کو شوبز میں کام کرنے سے منع کررہے تھے، اداکارہ خوشبو کا تعلق صوابی سے ہے اور پشاور میں رہائش پزیر تھی۔
پولیس نے مقتولہ خوشبو کے بھائی کی مدعیت میں ملزمان کے خلاف ایف آئی آر درج کرلی ہے لاش کو پوسٹ مارٹم کے لئےمیاں راشد میموریل اسپتال پبی منتقل کردیا گیا۔
