گوجرانوالہ میں ایک وکیل نے آئی سی سی ٹی 20 ورلڈکپ میں امریکا اور بھارت سے قومی کرکٹ کے میچ ہارنے پر کپتان بابراعظم اور دیگر اراکین ٹیم کے خلاف بغاوت کا مقدمہ درج کرنے کی درخواست دائر کردی۔
میڈیا رپورٹس کے مطابق پٹیشن ایک وکیل کی جانب سے ایڈیشنل سیشن جج گوجرانوالہ تمثال زیب نعیم کی عدالت میں دائر کی گئی جس میں کہا گیا کہ بابر اعظم اور دیگر کے خلاف بغاوت کا مقدمہ درج کیا جائے۔
درخواست میں ٹیم مینیجر، کوچ اور چیف سلیکٹر کے خلاف بھی مقدمہ درج کرنے کی استدعا کی گئی جس کے بعد عدالت نے اندراج مقدمہ کی درخواست پر پولیس سے رپورٹ طلب کر لی۔
میڈیا رپورٹس کے مطابق عدالت نے ایس ایچ او تھانہ اروپ کو 21 جون تک رپورٹ جمع کرانے کی ہدایت کی ہے۔
