جوڈیشل کمیشن آف پاکستان کے 19 مئی کو شیڈول اجلاس کا ایجنڈا تبدیل کردیا گیا ہے، اجلاس میں صرف بلوچستان ہائیکورٹ کے چیف جسٹس کا معاملہ زیر غور ہوگا۔
جوڈیشل کمیشن آف پاکستان کی جانب سے اسلام آباد ہائیکورٹ، پشاور ہائیکورٹ اور سندھ ہائیکورٹ کے نام جاری اعلامیے میں کہا گیا ہے کہ کمیشن کے 19 مئی کو بلائے گئے اجلاس میں چیف جسٹس کی تقرری کا معاملہ مؤخر کردیا گیا ہے۔
اجلاس میں چیف جسٹس کی تقرری کے معاملے پر غور نہیں ہوگا، اب 19 مئی کو جوڈیشل کمیشن کے اجلاس میں بلوچستان ہائیکورٹ کے چیف جسٹس کی تقرری کا معاملہ زیر غور ہوگا۔
یاد رہے کہ اسلام آباد ہائیکورٹ، پشاور ہائیکورٹ اور سندھ ہائیکورٹ کے چیف جسٹس کا انتخاب ہونا تھا، جوڈیشل کمیشن کا اجلاس 19 مئی کو طلب کیا گیا تھا، اجلاس کی نئی تاریخ بعد میں جاری کی جائے گی۔
