پاکستانی اداکار سلمان ثاقب شیخ عرف مانی نے ملک کی ابتر معاشی صورتِ حال کے باعث ملک سابق وزیر اعظم عمران خان کے حوالے کرنے کی اپیل کر دی۔
انسٹا گرام پر ایک ویڈیو وائرل ہو رہی ہے جس میں اداکار مانی ریسٹورنٹ میں بیٹھے ہیں اور جب وہ جیب سے بٹوا نکالتے ہیں تو اس میں پیسے نہیں ہوتے۔
مانی کہتے ہیں: ’بٹوا تو بالکل خالی ہے اب تو واپس جانا پڑے گا‘۔ اس پر ویڈیو ریکارڈ کرنے والی خاتون ہنس کر کہتی ہیں: ’پیسے تو آخر کار ختم ہو ہی جاتے ہیں‘۔ مداحوں کا خیال ہے کہ ویڈیو بنانے والی خاتون ان کی اہلیہ حرا مانی ہیں۔
ویڈیو میں مانی کہتے ہیں: ’ہمارے ملک کی کرنسی بہت نیچے چلی گئی ہے، اللہ کے واسطے ملک عمران خان کے حوالے کر دیں وہ ڈالر کو 100 روپے تک لے آئے گا، اس کے علاوہ کوئی کچھ نہیں کر سکتا‘۔
