بلوچستان کے ضلع ہرنائی میں دو دھماکوں کے نتیجے میں 3 افراد جاں بحق ہوگئے۔
پولیس کے مطابق ہرنائی کے علاقے زردالو میں پہلے بارودی سرنگ کا دھماکا ہوا۔ جس کے بعد لوگ اکھٹے ہوئے تو ریموٹ کنٹرول دھماکا کیا گیا۔
پولیس کا کہنا ہے بارودی سرنگ کا دھماکا گاڑی گزرنے کے دوران ہوا۔ افسوسناک واقعہ میں جاں حق اور زخمی ہونے والے افراد کو رورل ہیلتھ سینٹر منتقل کیا گیا۔
ضلع میں یکے بعد دیگرے دو دھماکوں کی آواز سن کر لوگوں میں خوف و ہراس پھیل گیا جبکہ مقامی اسپتالوں میں طبی عملہ الرٹ ہوگیا۔
