اوپن مارکیٹ میں گندم کی قیمت میں 50 روپے اضافہ ہو گیا۔ جس کے بعد گندم کی فی من قیمت 4800 سے تجاوز کر گئی۔
اوپن مارکیٹ میں 20 کلو آٹے کا تھیلا 2900 روپے سے تجاوز کر گیا ، لاہور میں 20 کلو آٹے کا تھیلا 2930 روپے ،10 کلو 1470 روپے اور 15 کلو کا تھیلا 2500 روپے میں فروخت ہو رہا ہے۔
سیکرٹری خوراک زمان وٹو کا کہنا ہے کہ گندم کی ذخیرہ اندوزی کرن والوں کی مسلسل مانیٹرنگ ہو رہی ہے ، ڈویژنل کمشنرز و ڈپٹی کمشنرز ذخیرہ اندوزوں کیخلاف کریک ڈاون کر رہے ہیں ۔
انہوں نے مزید کہا کہ گندم درآمد کرنے سے پرائیویٹ مافیا کی کمر توڑی جا سکتی ہے۔
